අලි වැටේ විදුලිය විසන්ධි කරන්න ගිය පුද්ගලයා වනඅලි ප්‍රහාරයකින් මරුට

තඹුත්තේගම පොලිස් වසමේ මලියදේවපුර ප්‍රදේශයේදී වනඅලි ප්‍රහාරයකට ලක්වී ඊයේ (03) පුද්ගලයෙකු මිය ගොස් තිබේ.

මෙසේ මිය ගොස් ඇත්තේ වයස අවුරුදු 68ක් වන මලියදේවපුර, තඹුත්තේගම ප්‍රදේශයේ පදිංචිකරුවෙකි.

මෙම පුද්ගලයා තම ඉඩමේ ඉදිකර තිබූ විදුලි අලිවැටේ විදුලිය විසන්ධි කිරීමට යාමේදී මෙසේ වන අලි ප්‍රහරයට ලක්වී ඇති බව සිදුකරන ලද විමර්ශනයේදී අනාවරණය වී ඇත.

මෘතශරීරය තඹුත්තේගම රෝහලේ මෘත ශරීරාගාරයේ තැන්පත් කර තිබේ.

තඹුත්තේගම පොලීසිය සිද්ධිය සම්බන්ධයෙන් වැඩිදුර විමර්ශන ආරම්භ කර ඇත.